جرح الحبايب

ويل ونار ومرار ... ومين يداويه
جرح الحبايب
دمعات وأهات وويلات ... وإزاي ح أداريه

كنت هاويهم كنت شاريهم ... وبالوقت بعدوا عني وباعوني
كنت بالحب والفرح ماليهم ... وسابوني بجراحي وبكوني
كنت فاتح ليهم قلبي
كانوا شمس تنور دربي
وإزاي قدروا ينسوا حبي
بغدرهم رجعوا وغدروني
كنت هاويهم كنت شاريهم ... وبالوقت بعدوا عني وباعوني

جرح الحبايب
أحزان وأشجان وحرمان ... وإزاي أصبر
جرح الحبايب
ألام أحلام أوهام ... عليهم ما أقدر
بعد كل أيام العِشرة ... بوسط النار خدوني ورموني
كنت ضاويلهم صوابعي العشرة ... ومن مر كاسهم رجعوا سقوني
يا قلبي يا أبو الأوجاع
الحلم الجميل خلاص ضاع
كنت مراكبهم وكنت شراع
وببحر الحزن كسورني وغرقوني
بعد كل أيام العِشرة ... بوسط النار خدوني ورموني
جرح الحبايب