اسألوه

يـقولي جارح وكل الغدر موجود فيـه
إرجع أسامح وأرجع بشوقي أراضيه


إســألوه مــين الـلي بـدا إسألــوه مين اللي جرح
دة قلبي اللي بحبه شدا وقلبي اللي داب وإندبح
قلب كان هو دقاته
حب كان عايش ببسماته
درب كان هو خطواته
وكل دة داب وإنمسح
إسألوه مين اللي بدا إسألوه مين اللي جرح


إسـألــوه وردوا عـــلية إسألوه مين اللي مسح
كل ذكرى فكراها عينية وكــل يــوم كان فيه فرح
فكروه بشوقي وحبي
نوروه دة هو قلبي
رجعوه تاني لقربي
ماقلبي ببحر حبه سرح
إسألوه وردوا علية ما قلبي داب وإندبح


لو تسألوه ح يقول غدرته وكل دمعه بسببي طـرح
وأنا اللي يــا مــا عذرتــه ولكل أخطائه قلبي سمح
بكاني وبكا عيوني
رماني بناري وشجوني
خلاني أخلف ظنوني
إسألوه مين اللي جرح
ولو تسألوه ح يقول غدرته وكل دمعه بسببي طرح