جيت بشوقي

جيت بشوقي أغنيلها واحكيلها عن حبي وشوقي لعنيها
جيت بغرامي وأحلامي وكلامي أتمنــى ألــمس إيــديها
جيت عشقان
جيــت ولـهان
والفرحة مش قادر اخفيها
جيت بشوقي أغنيلها واحكيلها عن حبي وشوقي لعنيها

لـمـا شوفــت عينـيها توهت دي عنيها بحور أشواق
وعرفت الدنيا والعطف شوفت دي حرام فيها الفراق
فيــها طـــعم كــل جمــيل
فيها شعر وقصص ومواويل
وشمس وقمر ونهار وليل
ولو شوفتها أفضل مشتاق
لـمـا شوفــت عينـيها توهت دي عنيها بحور أشواق


سمعــت صــوتها كله حنين وتقــول دة نــغم للــعود
تنــجي تصبــر الحــيرانين والفرح بشــوفتها تــعود
ضحــكتها بشفــايف عنــبر
ونظرتها مش دهب لا أكثر
جمــالها فــوق مــا تـتصور
للجمال منها تعطيه وتجود
سمعــت صــوتها كله حنين وتقــول دة نــغم للــعود

مسكت إيدها ومشيت معاها أتمنى أنـا أطير بيها
وهي معاية اتمنى لقاها وأسكن انا جـوى عينيها
مفاتيح الفرحة دي عيونها
دي عروسة بطرحة بجنونها
دي مدينة أتمنى أسكنها
دي حبيبتي أصونها وأراعيها
مسكت إيدها ومشيت معاها أتمنى أنا اطير بيها